Kanada parlaméntining konsérwatip ezaliri hökümetke Uyghurlar heqqide teklip sundi

Kanada parlaméntining xelq’ara kishilik hoquq boyiche töwen komitéti yéqinda Kanada hökümitige Uyghurlarning nöwettiki weziyiti heqqide 7 maddiliq teklip sunup, hökümetke Uyghurlarning siyasiy panahliq ishlirini tézlitish, “Qayta-terbiyelesh lagérliri” ni derhal taqashqa chaqirish qatarliq teleplerni qoyghan.

Kanada parlaméntining xelq’ara kishilik hoquq boyiche töwen komitéti ötken yilning axirliri arqa-arqidin bir qanche qétim Uyghurlar heqqide guwahliq yighini chaqirghan. Yighinda Uyghur pa’aliyetchiler we chet’ellik mutexessisler guwahliq bergen idi. Mezkur komitéttiki konsérwatiplar partiyesi ezalirining bildürüshiche, ular bu komitéttiki bashqa partiye-guruhlarning ezaliri bilen hökümetke sunulidighan teklip-pikir heqqide pikir birlikige kélelmigen. Shuning bilen ular öz aldigha teklip pikri teyyarlap hökümetke sun’ghan. 

7 Maddiliq teklip pikride Kanada hökümitining Uyghur weziyitige inkas bildürüshi telep qilinip, hökümetning Kanadadiki xitay puqralirini qoghdishi, Uyghurlarning siyasiy panahliq tiligüchiliri we musapirlirining resmiyitini tézlitishi, herqandaq Uyghur we bashqa türkiy musulmanlarni xitaygha qayturushni toxtitishi, Kanada hökümitining xelq’ara küchler bilen birliship, xitayni “Qayta terbiyelesh programmisi” ni bikar qilishqa chaqirishi, Kanada téxnikisining Uyghur aptonom rayonidiki teqiblesh ishlirida ishlitilishining qattiq aldini élishi, “Magnitiskiy qanuni” ni ishqa sélip, Uyghurlarni jazalashqa ishtirak qilghan xitay emeldarlirini jawabkarliqqa tartishi. . . . . . Qatarliq telepler otturigha qoyulghan. Kanada hökümitining 7 maddiliq bu teklip pikrige qandaq inkas qayturidighanliqi melum emes. Kanada bash ministiri térido ilgiri Uyghur mesilisige yéterlik köngül bölmeslik bilen eyiblen’gen bolsimu, lékin Kanadaning béyjingda turushluq bash elchisi ötken yili 10‏-ayda 15 gherb dölitining béyjingda turushluq bash elchilirining Uyghur aptonom rayonluq partkom sékrétari chén chüen’gogha xet yézip, uning bilen körüshüshni telep qilishigha yétekchilik qilghan. Bu mektup xitay da’irilirini qattiq bi’aram qilghan idi.

https://www.rfa.org/uyghur/qisqa_xewer/kanadada-uyghur-mesilisi-01072019175015.html

Spread the word. Share this post!

Leave Comment

Your email address will not be published. Required fields are marked *